2025 թվականի առաջին վեց ամիսներին հաքերները գողացել են $2,1 միլիարդ կրիպտոարդյունաբերությունից՝ ըստ TRM Labs վերլուծական ընկերության հաշվետվության։ Այս թիվը ներառում է միայն գրանցված դեպքերը։ Գումարի ավելի քան 80%-ը բաժին է ընկել ենթակառուցվածքային հարձակումներին՝ մասնավորապես բանալիների, seed-ֆրազների գողությանը և օգտատերերի ինտերֆեյսների կոտրմանը։
Այս տեսակի հարձակումները միջինում տաս անգամ ավելի ծավալուն են եղել, քան մյուսները։ DeFi հատվածում խոցելիությունները շարունակում են լուրջ խնդիր մնալ։ Մյուս 12%-ը կազմել են սմարթ-պայմանագրերի սխալներով և մոմենտալ վարկերով կատարված հարձակումները։
Ամենախոշոր միջադեպը տեղի է ունեցել փետրվարին, երբ կոտրվել է Bybit բորսան, և հափշտակվել է $1,5 միլիարդ։ TRM-ի տվյալներով՝ այս հարձակումը կապվում է Հյուսիսային Կորեայի հաքերների հետ, որոնց հաշվին է ընկնում առաջին կիսամյակի ընդհանուր կորուստների մինչև 70%-ը։
Bybit-ի դեպքը զգալիորեն խեղաթյուրել է ամբողջական վիճակագրությունը, սակայն հունվար, ապրիլ, մայիս և հունիս ամիսներին նույնպես գրանցվել է ամսական $100 միլիոնից ավելի կորուստ։ Սա վկայում է սպառնալիքի կայուն և լայնածավալ բնույթի մասին։
Հաշվետվության մեջ նշվում է նաև իրանական Nobitex բորսայի վրա կատարված հարձակումը, որի ժամանակ բորսայի դրամապանակներից դուրս է բերվել $90 միլիոն։ Կասկածները տարվում են իսրայելամետ հաքերների ուղղությամբ։
TRM-ն կոչ է անում ուժեղացնել անվտանգության միջոցները, ներառյալ երկգործոն ավտենտիֆիկացումը և կրիպտոարժույթների սառը պահեստավորումը։ Այնպես էլ առաջարկվում է ակտիվացնել միջազգային համագործակցությունը և տվյալների փոխանակումը՝ պետական կառույցների հնարավոր ներգրավմամբ կիբերհանցավորության դեմ պայքարում։
Բաժանորդագրվեք մեր ալիքին Telegram-ում
