IDBank-ից տեղեկացնում են, որ Բանկի ֆինանսական ինստիտուտների վարչության ղեկավար և ICC Armenia-ի գործադիր խորհրդի անդամ Իննեսա Ամիրբեկյանը նշանակվել է Trade Finance Global (TFG)-ի՝ աշխարհի առաջատար առևտրային ֆինանսավորման հրատարակության խմբագրական խորհրդի անդամ։
Trade Finance Global-ը, ունենալով ավելի քան 160,000 ընթերցող և ամսական 7.1 միլիոն օրգանական դիտում, կարևորագույն հարթակ է առևտրային ֆինանսների, թղթակցային բանկային գործունեության, միջազգային վճարումների և ֆինանսական շուկաների ոլորտներում մտքի առաջնորդության համար։ Նորանշանակ խորհրդի անդամները ներկայացնում են ոլորտների, տարածաշրջանների և տեսակետների լայն ու բազմազան շրջանակ՝ նպաստելով համաշխարհային ֆինանսների ավելի համապարփակ և ներառական լուսաբանմանը:
Խմբագրական խորհրդի առաքելությունն է ապահովել հրապարակված բովանդակության բարձր որակը և արդիականությունը՝ հիմնվելով փորձագիտական գիտելիքների վրա և հետևելով ոլորտի զարգացումներին: Առաջատար միջազգային մասնագետներից կազմված խորհուրդը կարևոր դեր է խաղում առևտրի և ֆինանսների էկոհամակարգում քննարկումների ձևավորման գործում:
Մեկնաբանելով նշանակումը՝ Իննեսա Ամիրբեկյանն ասել է.
«Մեծ պատիվ է միանալ Trade Finance Global-ի խմբագրական խորհրդին, որը հարգված միջազգային հարթակ է՝ նվիրված առևտրային ֆինանսների, թղթակցային բանկային գործունեության, միջազգային վճարումների և ֆինանսական շուկաների զարգացմանը: Ես այս հրավերը համարում եմ վստահության կարևոր նշան՝ ինչպես իմ մասնագիտական անցած ճանապարհի, այնպես էլ IDBank-ի աճող հեղինակության նկատմամբ միջազգային ասպարեզում: Ես անհամբեր եմ զարգացող շուկաներից ստանալ գիտելիքներ և աջակցել TFG-ի առաքելությանը՝ ոլորտում լավագույն փորձը զարգացնելու, համագործակցությունը խթանելու և միջազգային առևտրային և բանկային համայնքի կապերը ամրապնդելու համար»:
«Trade Finance Global-ում մենք ցանկանում ենք համապատասխանել մեր ստեղծած անվանն ու հեղինակությանը՝ ապահովելով առևտրի ֆինանսավորման ոլորտի իսկապես համապարփակ և գլոբալ լուսաբանում: Այս առաքելությանը համապատասխան՝ մենք ուրախ ենք ավելի սերտորեն համագործակցել Իննեսա Ամիրբեկյանի հետ: Ոլորտում նրա մեծ փորձը և տարածաշրջանի մասին բացառիկ գիտելիքները կօգնեն ձևավորել մեր խմբագրական ռազմավարությունը և բարձրացնել Հայաստանի դերը միջազգային առևտրային դաշտում», — ասաց Մահիկա Ռավի Շանկարը, Trade Finance Global (TFG)-ի խմբագրի տեղակալը:
IDBank-ը այս հրավերը համարում է վստահության նշանակալի դրսևորում թե՛ Իննեսա Ամիրբեկյանի մասնագիտական նվաճումների, թե՛ միջազգային ֆինանսական ոլորտում Բանկի աճող ներգրավվածության և հեղինակության նկատմամբ։
Նշանակումը արտացոլում է Բանկի հանձնառությունը՝ նպաստելու համաշխարհային լավագույն փորձի զարգացմանը և ամրապնդելու Հայաստանի ներկայությունը միջազգային ֆինանսական ասպարեզում։
IDBANK-Ը ՎԵՐԱՀՍԿՎՈՒՄ Է ՀՀ ԿԲ ԿՈՂՄԻՑ
Բաժանորդագրվեք մեր ալիքին Telegram-ում
