Բրիտանական հյուրանոցային բիզնեսին մինչև տարեվերջ լուրջ կորուստներ են սպասվում

Մեծ Բրիտանիայում հյուրանոցային և ռեստորանային բիզնեսի ավելի քան 1/3-ը կանխատեսում է կորուստներ կամ անշահավետություն 2022 թվականի արդյունքներով՝ կապված կյանքի արժեքի բարձրացման հետ: Այս մասին են վկայում Բրիտանական գարեջրի և պանդոկների ասոցիացիայի, հյուրընկալության ասոցիացիաների՝ UKHospitality-ի և British Institute of Innkeeping և Հյուսիսային Իռլանդիայի Hospitality Ulster հյուրանոցային և ռեստորանային բիզնեսի ընկերությունների ասոցիացիաների համատեղ ուսումնասիրության արդյունքները։

«Ուսումնասիրությունը ցույց է տվել, որ հարցվածների 35%-ն կանխատեսում է, որ մինչև այս տարվա վերջ կգործի վնասով կամ առանց եկամտի»,- ասվում է UKHospitality ինտերնետային պորտալի հրապարակման մեջ։

Նշվում է, որ այս ցուցանիշի պատճառը տնտեսվարողների 96%-ի համար էներգակիրների բարձր ծախսերն են, ինչպես նաև 93%-ով պարենային ապրանքների գների աճի հետ կապված խնդիրները։ Գործարարների 77%-ը նշել է այցելուների թվի նվազումը, 85%-ը՝ իրավիճակի վատթարացումը։

Հետազոտությունը ցույց է տվել, որ 89%-ը վստահ չէ, որ կառավարության աջակցությունը կօգնի կայունացնել իրավիճակը առաջիկա վեց ամիսների ընթացքում:

Ռուսաստանի վրա արևմտյան պատժամիջոցների ճնշման պատճառով մատակարարման շղթաների խաթարումը հանգեցրել է վառելիքի և պարենային ապրանքների գների աճին Եվրոպայում և ԱՄՆ-ում։