Ռուսաստանի տնտեսական զարգացման նախարարության բազմակողմ տնտեսական համագործակցության և հատուկ նախագծերի վարչության տնօրեն Նիկիտա Կոնդրատևը ՏԱՍՍ-ին տված հարցազրույցում Պետերբուրգի միջազգային տնտեսական ֆորումի (ՊՄՏՖ) շրջանակում հայտնել է, որ խոսքը վերաբերում է Մյանմայի, Հորդանանի և Բահրեյնի հետ վիզաների չեղարկմանը։
«Կցանկանանք և հույս ունենք, որ բոլոր այս երկրների հետ (Մյանմա, Հորդանան և Բահրեյն – ՏԱՍՍ-ի խմբ.) համաձայնագրերը կստորագրվեն 2025 թվականին», — ասել է նա։
Կոնդրատևի խոսքով՝ Մյանմայի հետ վիզայի չեղարկման համաձայնագրի նախագիծն արդեն գրեթե ամբողջությամբ մշակված է։ «Կա մեր կառավարության որոշում, կա Մյանմայի կառավարության որոշում։ Այժմ սպասում ենք մեր երկրների ղեկավարների հերթական հանդիպմանը։ Կարծում եմ՝ Արևելյան տնտեսական ֆորումի ընթացքում կստորագրենք Մյանմայի հետ համաձայնագիրը», — նշել է նա։
Բացի այդ, համաձայնագրերի նախագծերը Հորդանանի և Բահրեյնի հետ նույնպես գտնվում են բարձր մշակվածության մակարդակում։
Կոնդրատևը հավելել է, որ Ռուսաստանի համար սկզբունքային նշանակություն ունի նաև Սաուդյան Արաբիայի և Մալայզիայի հետ առանց վիզայի ռեժիմի հաստատումը, ինչը թույլ կտա նրանցից եկող տուրիստական հոսքը մեծացնել մինչև 2–3 անգամ։
Պետերբուրգի միջազգային տնտեսական ֆորումը տեղի է ունեցել հունիսի 18-21-ին։ Այս տարվա գլխավոր թեման էր՝ «Ընդհանուր արժեքները՝ աճի հիմք բազմաբևեռ աշխարհում»։
Բաժանորդագրվեք մեր ալիքին Telegram-ում
