Forbes-ը անդրադարձել է հայ գործարար Սամվել կարապետյանի ձերբակալությանը։
Պարբերականը գրում է․
«Հունիսի 18-ին «Տաշիր» ընկերությունների խմբի սեփականատեր Սամվել Կարապետյանը ձերբակալվեց Երևանում՝ իշխանության զավթման և սահմանադրական կարգի բռնի տապալման հրապարակային կոչ անելու մեղադրանքով։ Նախորդ օրը Հայաստանի իրավապահ մարմինները խուզարկել էին գործարարի երևանյան տունը։ Կարապետյանն ինքը չի ընդունում մեղքը, նրա պաշտպանությունը ձերբակալությունը համարում է անօրինական և պատրաստվում է վերաքննիչ բողոք։ «Տաշիրի» գրասենյակը մեղադրանքները որակել է որպես «գործարարի վրա ճնշում գործադրելու ակնհայտ փորձ» և նշել, որ դրանք «չունեն ո՛չ իրավական, ո՛չ էլ փաստական հիմք»։ Հակամարտությունը սրվել է այն բանից հետո, երբ գործարարը հրապարակավ աջակցել է Հայ Առաքելական Եկեղեցուն, ինչը քննադատվել է վարչապետ Նիկոլ Փաշինյանի կողմից։ Կարապետյանի ձերբակալության օրը Փաշինյանը հայտարարել է, որ Հայաստանի իշխանությունները պատրաստվում են ազգայնացնել «Տաշիրին» պատկանող «Հայաստանի էլեկտրական ցանցեր» ՓԲԸ-ն։ Նրա կարծիքով՝ ընկերության սեփականատերերը «չեն հետաքրքրվում այս ռազմավարական կարևոր հաստատությունով, նրա սպառողներով և աշխատակիցներով»»։
