Հայաստանում տնտեսական գործունեության դեմ ուղղված հանցագործությունները. ԻՆՖՈԳՐԱՖԻԿԱ

2025թ․ հունվար-ապրիլին Հանրապետությունում արձանագրված հանցագործությունների թվաքանակը կազմել է 14,123 միավոր։ Վերջինս 2024թ․ հունվար-ապրիլի համեմատ աճել է 12%-ով։

Արձանագրված հանցագործությունների թվաքանակի 3%-ը կամ 438 միավորը պատկանում է տնտեսական գործունեության դեմ ուղղված հանցագործություններին, որոնց թվաքանակը 2024թ․ հունվար ապրիլի համեմատ աճել է 19%-ով։

Տնտեսական գործունեության դեմ ուղղված հանցագործություններին ծանոթանանք ստորև․

Կեղծ փողեր կամ արժեթղթեր պատրաստելու, պահելու կամ իրացնելու մասով գրանցված հանցագործությունների թվաքանակը հաշվետու ժամանակահատվածում  կազմել է 109 միավոր։ Վերջինս նախորդ տարվա նույն ժամանակահատվածի համեմատ նվազել է 21%-ով։

Հանցավոր ճանապարհով ստացված գույքն օրինականացնելու (փողերի լվացումը) մասով արձանագրված հանցագործությունների թվաքանակը կազմել է 51 միավոր։ Վերջինս 2024թ․ հունվար-ապրիլի համեմատ աճել է շուրջ 82%-ով։ 

Վիճակագրական տվյալները փաստում են, որ տնտեսական գործունեության դեմ ուղղված հանցագործություններ կատարած անձանց թվաքանակը հաշվետու ժամանակահատվածում կազմել է 103 մարդ, որոնցից 12-ը՝ 25-29, 51-ը՝ 30-49, և 32-ը՝ 50 և ավելի տարեկան են։

Նշենք, որ տնտեսական գործունեության  դեմ ուղղված հանցագործություններ կատարած անձանց թվաքանակում 24-ը իգական սեռի ներկայացուցիչ են։