Binance Holdings Ltd.-ն, որը որպես ներդրող մասնակցել է Իլոն Մասկի Twitter-ի գնման գործարքին, թիմ է ստեղծում՝ ուսումնասիրելու համար, թե ինչպես կարող են բլոկչեյնը և կրիպտոարժույթները օգնել սոցիալական մեդիա հարթակին:
Աշխարհի խոշորագույն կրիպտոարժույթի բորսան, կարծես, ցանկանում է ակտիվ դեր խաղալ Twitter-ի կառավարման գործում՝ ուրբաթ օրը հաստատելով, որ ներդրումներ է կատարել Մասկի կողմից պլատֆորմը գնելու գործարքում:
Ընկերության խոսնակի հայտարարության մեջ ասվում է, որ Binance-ը կառուցում է ներքին թիմ՝ կենտրոնանալու այն բանի վրա, թե ինչպես բլոկչեյնն ու կրիպտոարժույթները կարող են օգտակար լինել Twitter-ին, և ակտիվորեն մշակում է պլաններ և ռազմավարություններ, որոնք կարող են օգնել Իլոն Մասկին իրականացնել իր տեսլականը:
Ծրագրերը դեռ մշակման փուլում են։
Մասկը բազմիցս ընդգծել է բոտերի կամ ավտոմատացված հաշիվների տարածվածությունը որպես խնդիր և նույնիսկ անդրադարձել է դրանց, երբ նախկինում փորձել է խափանել գործարքը ։
Բաժանորդագրվեք մեր ալիքին Telegram-ում
