Եվրահանձնաժողովը առաջարկել է ԵՄ երկրների կողմից ռուսական գազի գնումը լիովին դադարեցնել մինչև 2027 թվականի վերջը։
Այս մասին հայտարարել է էներգետիկայի հարցերով եվրահանձնակատար Դան Յորգենսենը Բրյուսելում կայացած մամուլի ասուլիսում՝ ներկայացնելով համապատասխան նախաձեռնությունը։ Նրա խոսքով, առաջարկվում է արգելել կարճաժամկետ պայմանագրերը 2026 թվականից, իսկ բոլոր երկարաժամկետ համաձայնագրերը պետք է ավարտվեն մինչև 2027 թվականի վերջը։
«2027 թվականի վերջից մեր շուկայում այլևս ռուսական վառելիք չկա», — ընդգծել է Յորգենսենը։
Նա նշել է, որ Եվրահանձնաժողովը նախաձեռնությունը կխթանի որպես առևտրային նորմ, այլ ոչ թե որպես պատժամիջոց, որպեսզի այն հաստատի առանց ԵՄ առանձին երկրների կողմից վետոյի իրավունքի՝ ԵՄ Խորհրդում որակյալ մեծամասնության մեխանիզմի շրջանակներում։
Եվրահանձնաժողովը նաև մտադիր է ներդնել մեխանիզմներ՝ արգելքը շրջանցելու հնարավորությունը բացառելու համար։
«Որքան քիչ ռուսական գազ լինի եվրոպական շուկայում, այնքան ավելի ազատ և ուժեղ կլինենք մենք», — ասել է Յորգենսենը՝ ուրվագծելով ԵՄ էներգետիկ քաղաքականության նոր սկզբունքը։
Եվրահանձնակատարը հատուկ շեշտեց, որ արգելքը կմնա ուժի մեջ՝ անկախ Ուկրաինայում ստեղծված իրավիճակից։
«Սրանք պատժամիջոցներ չեն, ուստի դրանք ուժի մեջ կմնան՝ անկախ նրանից՝ խաղաղություն կլինի, թե ոչ», — հավելեց նա։
Բացի այդ, Եվրահանձնաժողովը խորհուրդ է տալիս ԵՄ պետություններին օգտագործել անհաղթահարելի ուժի մեխանիզմը՝ ռուս մատակարարների հետ գործող պայմանագրերը վաղաժամկետ՝ առանց տույժերի խզելու համար։
Բաժանորդագրվեք մեր ալիքին Telegram-ում
