Մի պահ վերանալով աշխարհում տիրող մղձավանջից`անդրադառնանք հունիսի 17-ին, որը Հայաստանում արդեն նշվում է որպես Հայրերի օր։ Այս տոնի միջոցով հնարավորություն կստեղծվի ևս մեկ անգամ արժևորել և գնահատել հայրերի դերը ընտանիքում։ Մեզ մոտ՝ ընտանիքամետ հասարակությունում, նոր են որոշել «հիշել» հայրերին, իսկ առաջադեմ աշխարհում գենդերային հավասարությունն արդեն վաղուց հասել է նաև հայրերին։
Հայրերի տոնը առանձնահատուկ են նշում հատկապես ԱՄՆ-ում։
Տոնի շրջանակներում ծախսվում են հսկայական գումարներ, որոնց մասով վիճակագրական տվյալներին կարելի է ծանոթանալ ստորև․
2024թ․ ԱՄՆ-ում հայրերի օրվան նվիրված տոնին ծախսվել է $22․4 մլրդ: Վերջինս 2023թ․ համեմատ նվազել է մոտ 2%-ով։ Ծախսերի ամենամեծ աճը դիտվել է 2021թ․ համեմատած 2020թ․ հետ՝ շուրջ 18%-ով։
2021թ․ հայրերի օրվա տոնին կատարված ծախսերի ծավալը հասավ $20․1 մլրդ մակարդակին։ Վերը նշված գումարների մեջ գերակշռել են այն ծախսերը, որոնք իրականացվել են զբոսանքների կամ հետաքրքիր ժամանցի կազմակերպման համար՝ $4․5 մլրդ։
Երկրորդ տեղում են հագուստ գնելու վրա կատարված ծախսերը՝ $3․5 մլրդ։
Երրորդ հորիզոնականում են նվեր-բացիկները, որոնց վրա կատարված ծախսերը կազմել են $2․9 մլրդ։
Բաժանորդագրվեք մեր ալիքին Telegram-ում
