Ֆեդերալ հակամենաշնորհային ծառայությունը (ՖԱԾ) տուգանել է Ալֆա-Բանկին ոչ պատշաճ գովազդ տարածելու համար։ Ծառայության տվյալներով՝ սպառողները չեն ստացել ֆինանսական ծառայության բոլոր պայմանների վերաբերյալ տեղեկություն՝ գիտակցված ընտրություն կատարելու համար։
«Հեռուստագովազդում նշվում էր, որ Ալֆա-Բանկը յուրաքանչյուր հաճախորդին կպարգևի 20 խոշորագույն ընկերությունների բաժնետոմս։ Սակայն դրանք ստանալու համար անհրաժեշտ էր բացել առաջին բրոքերական հաշիվը, ինչպես նաև բանկի հավելվածում գնել ցանկացած արժեթուղթ առնվազն 1000 ռուբլու չափով։ Ծառայության կարծիքով՝ նման գործողությունները կարող են կազմակերպությանը ապահովել անարդար մրցակցային առավելություններ», — ասվում է ՖԱԾ-ի հայտարարության մեջ։
Բանկի դեմ հարուցվել է գործ՝ գովազդային օրենսդրության խախտման հիմքով։ ՖԱԾ-ն ճանաչել է գովազդը որպես ոչ պատշաճ և պահանջել է դադարեցնել դրա տարածումը, ինչպես նաև տուգանել է վարկային կազմակերպությանը։ Ալֆա-Բանկը տուգանվել է՝ խոշորագույն ընկերությունների բաժնետոմսեր խոստանալու համար։
Բաժանորդագրվեք մեր ալիքին Telegram-ում
