Վերականգնվող էներգետիկան մարդկության ներկայիս զարգացման մակարդակում ունի մեծ հեռանկարներ:
Զարգանում են վերականգնվող էներգետիկայի տարբեր ուղղությունները՝ պայմանավորված տարբեր տարածաշրջանների համեմատական առավելություններով:
![](https://banksnews.am/wp-content/uploads/2024/05/converse-970x250-c360.webp)
Նոր էներգետիկ համակարգի կարևորագուն ճյուղերից է արևային էներգիան, որի օգտագործման համար արտադրվում են արևային վահանակներ: Վերջիններս օր օրի կատարելագրործվում են:
Նման մի տեխնոլոգիական հեղափոխություն է կատարել ճապոնական «Enecoat Technologies» ստարտափը: Խոսքը վերաբերում է արևային էներգիա արտադրող վահանակների նոր սերնդի բջիջներին:
Պատկերացրեք գերբարակ և թափանցիկ արևային թիթեղ, որը կարելի է ամրացնել պատուհանին և ստանալ էլեկտրաէներգիա ոչ միայն արևից, այլ նաև մոտակայքում լուսարձակող տարբեր առարկաներից: Այս խոստումնալից թիթեղները, որոնց անվանում են «պերովսկիտի արևային
բջիջներ», հնարավորություն են ունենալու արտադրել սովորական արևային վահանակների ծավալի էլեկտրաէներգիա:
Կիոտոյում տեղակայված «Enecoat Technologies» ստարտափը հույս ունի նոր արտադրանքը շուկա հանել արդեն 3-4 տարի հետո:
Նման գործունեություն ծավալող ստարտափերին անվանում են «deep tech» ընկերություններ, որոնք միավորում են գիտական հայտնագործությունները և բարձր տեխնոլոգիական նորարարությունները:
Բաժանորդագրվեք մեր ալիքին Telegram-ում