ԱՄՆ-ն դեմ է ռուսական նավթի գնի իջեցմանը

ԱՄՆ-ն դեմ է ռուսական նավթի գնի իջեցմանը G7 քննարկումների ընթացքում, հաղորդում է Bloomberg-ը՝ հղում անելով աղբյուրներին։

Վերջնական որոշումը մնում է նախագահ Դոնալդ Թրամփին, և այն դեռ կարող է փոխվել, նշել են Bloomberg-ի աղբյուրները։

Հրապարակման աղբյուրներից մեկի համաձայն՝ Մեծ Բրիտանիան և ԵՄ-ն կարող են քննարկել առաստաղի իջեցման հարցը առանց ԱՄՆ-ի, սակայն դա այնքան արդյունավետ չի լինի, որքան եթե այս քայլը միաձայն հաստատվի G7-ի բոլոր անդամների կողմից։

G7-ը համաձայնել է 2022 թվականի վերջին մտցնել ռուսական նավթի գնի առաստաղ։ Այն սահմանվել է մեկ բարելի համար 60 դոլար, և այժմ առաջարկվում է այն իջեցնել մինչև 45 դոլար մեկ բարելի համար։

ԵՄ-ն նախատեսում է իր հաջորդ՝ 18-րդ պատժամիջոցների փաթեթում ներառել ռուսական նավթի գնի առաստաղի նվազեցում։