Իսրայելի հարվածից հետո Իրանի Նաթանզի միջուկային օբյեկտում տեղի է ունեցել փոքր ռադիոակտիվ արտահոսք, սակայն աղտոտումը չի տարածվել արտաքին միջավայր։
Այս մասին հայտարարել է Իրանի ատոմային էներգիայի կազմակերպության (AEOI) խոսնակ Բեհրուզ Կամալվանդին։
«Նատանզում վնասը հիմնականում մակերեսային է, քանի որ օբյեկտի հիմնական մասը գտնվում է գետնի տակ։ Օբյեկտի ներսում շատ փոքր արտահոսք է եղել, սակայն աղտոտումը չի տարածվել արտաքին միջավայր։ Հետևաբար, մարդիկ կարող են վստահ լինել, որ ռադիոակտիվ աղտոտման հետ կապված խնդիր չկա», — նրա խոսքերն է մեջբերում IRNA լրատվական գործակալությունը։
