Իրանի ցամաքային ուրանի գործարանը ոչնչացվել է

Իրանի Նաթանզի միջուկային համալիրի վրա Իսրայելի կողմից հարվածների հետևանքների նախնական գնահատականը ենթադրում է, որ գործողությունը խիստ արդյունավետ է եղել և անցել է մակերեսային ոչնչացումից շատ ավելի հեռու, հաղորդում է CNN-ը՝ հղում անելով աղբյուրներին։

Նրանց խոսքով, հարձակումը շարքից դուրս է բերել համալիրի ստորին հարկերում գտնվող էլեկտրամատակարարման ցանցը, որտեղ պահվում են ուրանի հարստացման ցենտրիֆուգները։

Աղբյուրներից մեկը նաև նշել է, որ գործողությունը, հավանաբար, ներառել է կիբեր բաղադրիչ, սակայն դեռևս պարզ չէ՝ էլեկտրամատակարարման անջատումը պայմանավորված է եղել կիբերհարձակմամբ, թե ֆիզիկական հարվածներով։

«Առյուծի վերելք» գործողությունը Իսրայելը սկսել է հունիսի 13-ի գիշերը։ Ըստ Իսրայելի պաշտպանության բանակի՝ դրան մասնակցել է մոտ 200 կործանիչ, որոնք հարձակվել են Իրանում ավելի քան 100 թիրախների վրա, այդ թվում՝ միջուկային օբյեկտների վրա։

Այդ երեկոյան Իրանի Իսլամական հեղափոխության պահապանների կորպուսը հայտնել է Իսրայելում տասնյակ թիրախների, այդ թվում՝ ռազմական օբյեկտների և ավիաբազաների, ինչպես նաև Թել Ավիվի Պաշտպանության նախարարության շենքի վրա հրթիռային հարվածների մասին։ Իսրայելի իշխանությունները խոստովանել են, որ հարվածել են որոշ թիրախների՝ ընդգծելով, որ հրթիռների մեծ մասը որսացվել է։