Պետդուման ընդունել է օրենք, ըստ որի՝ ճանապարհատրանսպորտային պատահարի մասնակիցների միջև տարաձայնությունների դեպքում եվրոպրոտոկոլով փոխհատուցման սահմանաչափը կբարձրանա մինչև 200 հազար ռուբլի։
Ներկայումս նման փոխհատուցման առավելագույն չափը կազմում է 100 հազար ռուբլի։ Նույն սահմանը գործում է նաև այն դեպքերում, երբ վարորդները չեն կատարել ՃՏՊ-ի լուսանկարներ՝ ինչի միջոցով ապահովագրողները փորձում են զերծ մնալ խարդախություններից։
Օրինագիծը Պետդումա էր ներկայացվել 2023 թվականի հունիսին։ Պարզաբանական գրության մեջ նշվում է, որ փոխհատուցման սահմանաչափը չէր վերանայվել ավելի քան հինգ տարի։
Ներկայումս եվրոպրոտոկոլով փոխհատուցման առավելագույն չափը կարող է հասնել 400 հազար ռուբլու, բայց միայն այն դեպքում, եթե ՃՏՊ-ի երկու մասնակիցներն էլ համաձայն են միմյանց մեղավորության չափի վերաբերյալ, և նրանցից մեկը հատուկ հավելվածի միջոցով լուսանկարահանում է պատահարը։
Բաժանորդագրվեք մեր ալիքին Telegram-ում
