Թուրքական մեկ լիրան արժե երկու ռուբլուց պակաս

Ըստ առևտրային տվյալների՝ թուրքական լիրայի փոխարժեքը պատմության մեջ առաջին անգամ իջել է երկու ռուսական ռուբլուց ցածր։

Այս պահին 1 լիրան արժե 1.9933 ռուբլի։

Մայիսին Goldman Sachs ներդրումային բանկի վերլուծաբանները վերանայեցին թուրքական լիրայի փոխարժեքի վերաբերյալ իրենց կանխատեսումները՝ ակնկալելով, որ այն ավելի կթուլանա։

Թարմացված գնահատականների համաձայն՝ դոլարը կարող է հասնել 41 լիրայի հաջորդ երեք ամիսներին, 43 լիրայի՝ վեց ամիս անց, իսկ տարեկան հեռանկարում՝ 45 լիրայի մեկ դոլարի համար։