PumpFun հարթակն անցած տարվա ընթացքում վաստակել է 700 միլիոն դոլար։ Նրանց սեփական թոքենը կարող է բերել ևս 1 միլիարդ դոլար։
Blockworks-ի տեղեկություններով՝ մեմքոինների գործարկման համար նախատեսված PumpFun հարթակը պատրաստվում է վաճառել սեփական թոքենը։ Նրանց տվյալներով՝ նախագիծը նպատակ ունի ներգրավել 1 միլիարդ դոլար՝ հանրային թոքենսեյլի (token sale) և մասնավոր ներդրողների միջոցով՝ ամբողջ թոքենների ընդհանուր գնահատմամբ՝ 4 միլիարդ դոլար։ Bloomberg-ը նշում է, որ հաջողության դեպքում այս գործարքը կարող է դառնալ տարվա խոշորագույններից մեկը։
PumpFun-ը ամենահայտնի մեմքոինների launchpad-ներից մեկն է Solana բլոքչեյնում, որը թույլ է տալիս ակնթարթորեն ստեղծել և գործարկել թոքեններ։ 2024 թվականին գործարկումից ի վեր հարթակի օգտատերերը ստեղծել են մոտ 11 միլիոն կրիպտոարժույթ՝ մոտավորապես 4.5 միլիարդ դոլար ընդհանուր կապիտալիզացիայով։ Ըստ լրատվամիջոցի գնահատման՝ նախագծի եկամուտը գերազանցել է 700 միլիոն դոլարը։
PumpFun-ի թոքենի գործարկման ժամկետները դեռևս պաշտոնապես չեն հաստատվել, սակայն թիմը ավելի վաղ X սոցիալական ցանցում հայտարարել էր, որ PUMP թոքենը կթողարկվի առաջիկա երկու շաբաթվա ընթացքում։ Նախագծի հիմնադիր Ալոն Քոենը փետրվարին պնդում էր, որ թոքենի գործարկումը նախատեսված չէր, սակայն այս նոր տեղեկատվության վերաբերյալ նա դեռևս մեկնաբանություն չի տվել։
Բաժանորդագրվեք մեր ալիքին Telegram-ում
