Իտալական նորաձևության տուն Fendi-ն Ռոսպատենտում գրանցել է նոր ապրանքային նշան՝ Fendi First, որի բացառիկ իրավունքը ուժի մեջ կլինի մինչև 2034 թվականի նոյեմբեր։ Այս մասին «Газета.Ru»-ին տեղեկացրել է Rusprofile ստուգման ծառայությունը։
«Fendi նորաձևության տունը հունիսի 6-ին գրանցել է Ռոսպատենտում նոր ապրանքային նշան՝ Fendi First։ Ապրանքային նշանի ներքո ընկերությունը կկարողանա արտադրել պայուսակներ, դրամապանակներ և այլ կաշվե պարագաներ», — հայտնել են ծառայությունից։
Fendi-ն մաս է կազմում LVMH հոլդինգի։ 2024 թվականին նորաձևության տունը փակել է վերջին խանութը Ռուսաստանում։ Rusprofile-ի տվյալներով՝ շարունակում է գործել «Ֆենդի Ռու» ՍՊԸ իրավաբանական անձը, որի ներքո ընկերությունն աշխատել է Ռուսաստանում։ 2024 թվականին կազմակերպության եկամուտը կազմել է 30 մլն ռուբլի (19%-ով պակաս 2023-ի համեմատ), իսկ շահույթը՝ 24 մլն ռուբլի (աճ 124%-ով)։ 2021-ից սկսած «Ֆենդի Ռու»-ի եկամուտը նվազել է 63 անգամ՝ 1,9 մլրդ-ից մինչև 30 մլն ռուբլի։
2022 թվականին LVMH կոնգլոմերատը, որը ներկայացնում է նաև Fendi-ն, հայտարարել էր Ռուսաստանում բուտիկների ժամանակավոր փակման մասին։ Վերջին Fendi բուտիկը Մոսկվայի ՏՑՈՒՄ-ում փակվել է 2024-ին։
Բաժանորդագրվեք մեր ալիքին Telegram-ում
