ԱՄՆ նախագահը նման որոշում է կայացրել, հաղորդում է Washington Post-ը՝ հղում անելով Սպիտակ տան աղբյուրներին։
Կարմիր էլեկտրական սեդանը Թրամփը գնել էր տարվա սկզբին՝ ի նշան աջակցության Իլոն Մասկին։ Սակայն, ինչպես պարզաբանել են թերթի զրուցակիցները, ներկայումս քաղաքական գործիչը ցանկանում է վաճառել այն՝ բիզնեսմեն Մասկի հետ ունեցած տարաձայնությունների պատճառով։
Բռնկված հակասությունները սկսվել են սոցիալական ցանցերում տեղի ունեցած փոխադարձ կոշտ մեկնաբանություններից։
Մասկը կտրուկ քննադատել էր Սպիտակ տան ներկայացրած պետական ծախսերի մասին օրինագիծը և հայտարարել, թե առանց իր աջակցության Թրամփը չէր հաղթի ընտրություններում։
Ի պատասխան՝ Թրամփը հայտարարել է, որ Մասկը դադարել է բարեխիղճ կերպով կատարել իր պարտականությունները և սպառնացել է լուծարել նրա ընկերությունների, այդ թվում՝ SpaceX-ի՝ պետության հետ կնքած պայմանագրերը։
Բաժանորդագրվեք մեր ալիքին Telegram-ում
