Հնդկաստանը կտրուկ ավելացրել է Ռուսաստանից նավթամթերքի ներմուծումը

Հնդկաստանը 2025 թվականի մարտին կտրուկ ավելացրել է ռուսական նավթամթերքի ներմուծումը՝ հասցնելով այն ռեկորդային 810 միլիոն դոլարի, ինչպես վկայում է РИА Новости-ի վերլուծությունը՝ հենվելով հնդկական մաքսային ծառայության տվյալների վրա։ Ռուսաստանը ավանդաբար հանդիսանում է նավթամթերքի խոշորագույն մատակարարը հնդկական շուկա։

Միայն մարտ ամսին մատակարարման ծավալները տարեկան արտահայտությամբ աճել են 2.7 անգամ՝ հասնելով 1.6 միլիոն տոննայի, իսկ դրանց արժեքը՝ եռապատկվել՝ հասնելով 810.1 միլիոն դոլարի։ Սա ամենաբարձր ցուցանիշն է երկու երկրների միջև առևտրի ամբողջ պատմության ընթացքում։ Նախորդ մերձավոր արժեքը գրանցվել էր 2023 թվականի հոկտեմբերին, երբ Հնդկաստանը գնել էր 1.4 միլիոն տոննա նավթամթերք՝ 711 միլիոն դոլարով։

Արդյունքում՝ 2025 թվականի առաջին եռամսյակում Հնդկաստանը Ռուսաստանից գնել է 2 միլիոն տոննա նավթամթերք՝ ընդհանուր 1.05 միլիարդ դոլարով, ինչը 10%-ով ավել է անցյալ տարվա նույն ժամանակահատվածի համեմատ ծավալով և 25%-ով ավել՝ գումարային արտահայտությամբ։

Բացի Ռուսաստանից, մարտ ամսին Հնդկաստան մեծ ծավալներով նավթամթերք է մատակարարել նաև Իրաքը, որի արտահանման արժեքը աճել է 7.8 անգամ՝ կազմելով 260.4 միլիոն դոլար։ ԱՄԷ-ն, ընդհակառակը, քիչ-ինչ նվազեցրել է մատակարարումները՝ 2.2%-ով, մինչև 129 միլիոն դոլար։ Վերջին խոշոր մատակարարը՝ Հարավային Կորեան, 1.7 անգամ ավելացրել է իր արտահանումը՝ հասցնելով 128 միլիոն դոլարի։