Բրաուզերը հրաժարվում է հնացած պլագինների ստանդարտից, ինչը կազդի ռուսաստանցիների համար կարևոր այն ընդլայնումների վրա, որոնք անհրաժեշտ են էլեկտրոնային ստորագրությամբ աշխատելու համար։ Google Chrome բրաուզերը կդադարեցնի այն պլագինների աջակցությունը, որոնք պահանջվում են Ռուսաստանի տարածքում էլեկտրոնային ստորագրության կիրառման համար։ Ինչպես տեղեկացրել են «Կոնտուր» ընկերության մամուլի ծառայությունից, խոսքը վերաբերում է «Госуслуги» և «КриптоПро» ընդլայնումներին։
Փոփոխությունները կապված են այն բանի հետ, որ բրաուզերը հրաժարվում է Manifest V2 ստանդարտով աշխատող ընդլայնումների աջակցությունից։ Հենց այդ ստանդարտով են աշխատում նշված պլագինները։ Այժմ Google Chrome-ի հետ աշխատանքը պահանջում է ընդլայնումների նոր սերունդ։ Նման փոփոխություններ ավելի վաղ ազդել էին նաև հայտնի uBlock Origin գովազդային արգելափակչի աշխատանքի վրա։
«Կոնտուր»-ում նշել են, որ մինչև 2025 թվականի հունիսի վերջ բրաուզերի նոր տարբերակները կդադարեցնեն «Госуслуги»-ի և «КриптоПро»-ի պլագինների աջակցությունը։ Դրանք կանջատվեն ավտոմատ կերպով, և վերաինստալացնել հնարավոր չի լինի։ «Սրա հետևանքով փաստաթղթերի ստորագրումն էլեկտրոնային առևտրային հարթակներում կամ տեղեկատվական համակարգերում պարզապես անհնար կլինի. ծառայությունները սխալ կցուցադրեն կամ կպահանջեն պլագինի տեղադրում, նույնիսկ եթե այն արդեն տեղադրված է համակարգչում», — նշել են մամուլի ծառայությունից։
Բաժանորդագրվեք մեր ալիքին Telegram-ում
