Ռուսաստանի Դաշնությունը մտադիր է քննարկել Գվինեական Հանրապետության հետ ռուսական վճարային «Мир» համակարգի քարտերի ընդունման հնարավորությունը այդ երկրում։ Այս մասին ՏԱՍՍ-ին հայտնել է Կոնակրիում Ռուսաստանի դեսպան Ալեքսեյ Պոպովը։
«Մեր հարաբերությունները գտնվում են բարձրացման փուլում։ Մենք հիմա պատրաստվում ենք երկկողմ միջկառավարական հանձնաժողովի հերթական նիստի անցկացմանը, որը պետք է կայանա Կոնակրիում։ Եվ օրակարգի թեմաներից մեկն էլ մեր համագործակցությունն է ֆինանսների ոլորտում։ Քննարկվելու են վճարումների հետ կապված հարցերը՝ այնպես, որ մեր քաղաքացիները կարողանան հանգիստ օգտագործել ռուսական քարտերը նաև այնտեղ ավելի ակտիվ ձևով», — ասել է նա՝ պատասխանելով հարցին՝ արդյոք հնարավոր է «Мир» քարտերի ընդունումը արևմտաաֆրիկյան այդ երկրում։
Դեսպանի խոսքով՝ ռուսական կողմը կարող է այդ հարցով համաձայնության գալ գվինեական գործընկերների հետ։
«Կարող եմ ասել, որ ոչ ոք չի արգելում մեր բանկային և ֆինանսական կառույցներին կապ հաստատել գվինեական գործընկերների հետ։ Կան դրա համար համապատասխան օրենսդրական հիմքեր։ Այսինքն՝ հիմա հերթը մեր բանկիրներինն է», — նշել է Պոպովը։
Բաժանորդագրվեք մեր ալիքին Telegram-ում
