Մարդկանց բարեկեցությունը նկարագրող հիմնական ցուցանիշը 1 անձի հաշվով ՀՆԱ ցուցանիշն է: Այդ ցուցանիշը 2018 թվականին եղել է 4200 դոլար, 2024 թվականին՝ 8500 դոլար: Այդ մասին ԱԺ մշտական հանձնաժողովների համատեղ նիստի ժամանակ՝ 2024 թվականի պետբյուջեի կատարողականի նախնական քննարկումներին, ասաց ՀՀ ֆինանսների նախարար Վահե Հովհաննիսյանը, ապա եզրակացրեց, որ մարդը միջինում դոլարային արտահայտությամբ 2 անգամ ավելի շատ եկամուտ է ստացել 2024 թվականին 2018 թվականի համեմատությամբ:
«Մյուս կողմից՝ պետք է հաշվի առնենք, որ դրամը դոլարի նկատմամբ արժևորվել է որոշակիորեն՝ մոտավորապես մի 20 տոկոսով, և դրամային արտահայտությամբ՝ մոտ մի 30 տոկոսով, մարդիկ ավելի լավ են ապրում, որը, կարծում եմ, շատ էական է»,- ասաց նախարարը:
