Ոսկու գները կտրուկ աճում են

Comex բորսայում (Նյու Յորքի ապրանքային բորսայի ստորաբաժանում) 2025 թվականի օգոստոսին մատակարարվող ոսկու ֆյուչերսների գինը 2025 թվականի մայիսի 8-ից ի վեր առաջին անգամ գերազանցել է 3400 դոլարը մեկ տրոյական ունցիայի համար։ Սա բխում է առևտրային հարթակի տվյալներից։ Երևանի ժամանակով ժամը 17:54-ի դրությամբ՝ թանկարժեք մետաղի գինը աճել է 2.03%-ով և կազմել 3400.1 դոլար մեկ տրոյական ունցիայի համար։

Ժամը 17:59-ի դրությամբ ոսկու գինը դանդաղեցրել է իր աճը՝ հասնելով 3398.5 դոլարի մեկ ունցիայի համար (+1.98%)։

Ապրիլին ոսկու գները հասել են ռեկորդային բարձրակետի՝ գերազանցելով 3500 դոլարը մեկ ունցիայի համար՝ առևտրային պատերազմի սրման վերաբերյալ մտահոգությունների ֆոնին։