Վաշինգտոնի և Պեկինի առևտրային բանակցությունները փակուղի են մտել, որի լուծման համար կարող է անհրաժեշտ լինել երկու երկրների ղեկավարների հեռախոսազանգը, Fox News-ին տված հարցազրույցում ասել է ԱՄՆ ֆինանսների նախարար Սքոթ Բեսենթը։
«Չինաստանի հետ բանակցությունները այս պահին մի փոքր փակուղի են մտել։ Կարծում եմ՝ մենք նրանց հետ ավելի շատ բանակցություններ կունենանք հաջորդ մի քանի շաբաթների ընթացքում, և կարծում եմ՝ որոշ պահի կարող ենք հեռախոսազրույց ունենալ ԱՄՆ նախագահ Դոնալդ Թրամփի և Չինաստանի նախագահ Սի Ցզինպինի միջև», — ասել է նա։
Հիշեցնենք, որ մայիսի 10-11-ին Շվեյցարիայում տեղի են ունեցել Չինաստան-ԱՄՆ առևտրատնտեսական բանակցություններ, որոնց արդյունքում կողմերը համաձայնել են ապրիլի սկզբին սահմանված լրացուցիչ մաքսատուրքերը կրճատել մինչև 10%՝ սկսած մայիսի 14-ից։
Փետրվարի սկզբին ԱՄՆ-ն Չինաստանից մի շարք ապրանքների ներմուծման համար մաքսատուրքեր սահմանեց 10% չափով՝ մեկ ամիս անց կրկնապատկելով դրույքաչափը։ Ապրիլի 2-ին Թրամփը հայտարարեց մի շարք երկրների համար «հայելային» մաքսատուրքերի մասին, որոնց համար Պեկինի համար դրույքաչափը կազմում է 54%։ Մի քանի փուլ բարձրացումներից հետո դրույքաչափերը Չինաստանի համար ԱՄՆ-ից կազմեցին 145%, իսկ Վաշինգտոնի համար՝ Պեկինից՝ 125%։
Բաժանորդագրվեք մեր ալիքին Telegram-ում
