ԱՄՆ նախագահ Դոնալդ Թրամփը մեղադրել է Պեկինին երկու երկրների միջև նախկինում կնքված առևտրային համաձայնագրի պայմանները խախտելու մեջ։ Նա այս մասին ասել է սոցիալական ցանցերում հրապարակված իր ուղերձում։
«Երկու շաբաթ առաջ Չինաստանը հայտնվեց լուրջ տնտեսական վտանգի մեջ։ Իմ կողմից սահմանված շատ բարձր մաքսատուրքերը գրեթե անհնար դարձրին Չինաստանի համար առևտուրը ԱՄՆ շուկայում։ Մենք, ըստ էության, սկսեցինք սառը պատերազմ, որը կործանարար էր Պեկինի համար։ Փլուզումից խուսափելու համար ես գործարք կնքեցի Չինաստանի հետ, բայց նրանք հետագայում խախտեցին իրենց պարտավորությունները», — ընդգծել է ամերիկացի առաջնորդը։
Հիշեցնենք, որ ապրիլին Թրամփը բարձր առևտրային մաքսատուրքեր սահմանեց մի շարք երկրների, այդ թվում՝ Չինաստանի համար։ Ի պատասխան՝ Պեկինը նույնպես բարձրացրեց մաքսատուրքերը, ինչը հանգեցրեց մաքսատուրքերի բարձրացմանը մինչև 145% և հակամարտության շարունակական սրմանը։
Բաժանորդագրվեք մեր ալիքին Telegram-ում
