Ռուսական ընկերությունները սկսում են գնել դիպֆեյքի դետեկտորներ. ի՞նչ է տեղի ունենում

Ռուսական ընկերությունները ակտիվորեն ներդնում են տեխնոլոգիաներ՝ նեյրոցանցերի միջոցով ստեղծված կեղծ տեսանյութերի, ձայնագրությունների և պատկերների հայտնաբերման համար։ РБК-ի տվյալներով, նման համակարգեր արդեն գործում են 30 նախագծում, որոնցից կեսը՝ բանկային ոլորտում։

Ըստ «Ինտերնետ-հետախուզություն» ընկերության ղեկավար Իգոր Բեդերովի, ժամանակակից դետեկտորները վերլուծում են ոչ միայն տեսողական և ձայնային պատերները, այլև բովանդակություն ստեղծող ալգորիթմները։

«Նեյրոցանցային դետեկտորները կարողանում են պարզել, թե կոնկրետ որ մոդելն է օգտագործվել դիպֆեյքի ստեղծման համար։ Հաճախ բացահայտվում են հանրամատչելի գործիքներ, ինչպիսիք են Deepfake-ը կամ նմանատիպ այլ համակարգեր», — պարզաբանել է փորձագետը։

Սակայն դիպֆեյք ստեղծելու տեխնոլոգիաները զարգանում են ավելի արագ, քան՝ դրանց բացահայտման մեթոդները։

«Այս պահին ֆեյք ստեղծողները առաջատար են այս մրցավազքում, իսկ դետեկտորները պարզապես հարմարվում են խաբեության նոր մեթոդներին», — հավելել է Բեդերովը։

Որոշ փորձագետներ առաջարկում են այսպիսի համակարգերը դարձնել պարտադիր։ Օրինակ, «Սբերբանկում» առաջարկել են ընդունել դիպֆեյքի հայտնաբերման ստանդարտ։ Ալեքսեյ Մունտյանը, որը մասնավորության ոլորտի մասնագետների համայնքի համահիմնադիրն է, նշել է, որ սպառնալիքն այժմ կրիտիկական չէ, սակայն բիզնեսը նախապատրաստվում է ապագա ռիսկերին։

«Իրական ժամանակում իրատեսական դիպֆեյքեր ստեղծելու համար ներկայում զգալի ռեսուրսներ են անհրաժեշտ։ Սակայն տեխնոլոգիաների զարգացմանը զուգընթաց՝ նման հարձակումները կարող են զանգվածային դառնալ, և ընկերությունները նախապես ուժեղացնում են պաշտպանությունը», — ասել է նա։

Պետությունն էլ է խթանում բիզնեսին՝ բարձրացնել կիբերանվտանգության մակարդակը։ Մասնավորապես, քննարկվում է «Անտիֆրոդ-2» օրինագիծը, որը խստացնում է նեյրոցանցերի օգտագործմամբ խաբեության համար պատասխանատվությունը։

Դիպֆեյքերի խնդիրը արդիական է նաև միջազգային հարթակներում։ Թվային հանցագործությունների դեպքում որոշ երկրներում դրանց օգտագործումը արդեն համարվում է հիմնավորող ծանրացուցիչ հանգամանք։ Ռուսաստանում էլ Թվայնացման նախարարությունը առաջարկում է նմանատիպ միջոցներ։

Այս պահին դետեկտորային տեխնոլոգիաները մնում են թանկարժեք, սակայն փորձագետները կանխատեսում են, որ առաջիկա տարիներին դրանք կդառնան ֆինանսական ոլորտի և այլ ճյուղերի ստանդարտ։