Տաքսու վարորդներին կտուգանեն Մոսկվան չիմանալու համար

Մոսկվայի քաղաքապետ Սերգեյ Սոբյանինը հաստատել է 5 հազար ռուբլու չափով տուգանք, որը կկիրառվի այն տաքսիստների նկատմամբ, ովքեր չեն անցել հատուկ ատեստավորում։ Փաստաթուղթը հրապարակվել է Մոսկվայի կառավարության պաշտոնական կայքում։

📌 Ատեստավորումը ներառում է տաքսու վարորդների գիտելիքները հետևյալ հարցերում՝

• տրանսպորտային ենթակառուցվածքի օբյեկտների տեղաբաշխում,

• մշակութային ժառանգության օբյեկտներ,

• բժշկական կազմակերպություններ,

• կրթական հաստատություններ,

• սպորտային օբյեկտներ,

• պետական և տեղական ինքնակառավարման մարմինների շենքեր,

• ինչպես նաև դրանց հասնելու ճանապարհները։

🚨 Բացի դրանից, վարորդը պարտավոր է իմանալ՝

• ինչպես գործել արտակարգ իրավիճակներում,

• ուղևորների և ուղեբեռի տեղափոխման կանոնները  տաքսիով։