Մոսկվայի «Վնուկովո» օդանավակայանում մուտքի մոտ և գրանցման կետերում ուղևորների հերթեր են առաջացել։ Պատճառն օդային տարածքի ժամանակավոր փակումն է՝ անօդաչու թռչող սարքերի (ԱԹՍ) մի շարք հարձակումներից հետո։
Ռոսավիացիայի տվյալներով՝ 55 ինքնաթիռ ուղղվել է պահուստային օդանավակայաններ, 62 չվերթ չեղարկվել է, իսկ 52-ը ուշացել են երկու և ավելի ժամով։
2025 թվականի մայիսի 28-ին «Վնուկովո» օդանավակայանում արձանագրվել են ուղևորների զգալի կուտակումներ։ Telegram-ալիք Shot-ի փոխանցմամբ՝ երկար հերթեր են գոյացել ինչպես տերմինալի մուտքի մոտ, այնպես էլ գրանցման սեղանների և տոմսերի փոխանակման կետերում։
Telegram-ալիք «Ռոսավիացիայի ներկայացուցիչ»-ը մեկնաբանել է, որ օդային տարածքի օգտագործման ժամանակավոր սահմանափակումների պատճառով մայիսի 28-ին 55 ինքնաթիռ հարկադրաբար վայրէջք է կատարել այլ օդանավակայաններում։
Ըստ ժամը 10:00-ի տվյալների՝ Մոսկվայի օդանավակայաններում չեղարկվել է 62 չվերթ, իսկ 52-ն ուղարկվել են ավելի քան երկու ժամ ուշացմամբ։
Ավելի վաղ հաղորդվել էր, որ մայիսի 27-ից 28-ի գիշերը Մոսկվայի և Մոսկվայի մարզի երկնքում ոչնչացվել է 296 անօդաչու թռչող սարք։
Բաժանորդագրվեք մեր ալիքին Telegram-ում
