Վիետնամի տեղեկատվական տեխնոլոգիաների նախարարությունը կարգադրել է հեռահաղորդակցության օպերատորներին սահմանափակել Telegram մեսենջերի հասանելիությունը մինչև 2025 թվականի հունիսի 2-ը։
Այս մասին հաղորդում է Reuters-ը՝ հղում անելով պաշտոնական փաստաթղթերին։
Արգելափակման պատճառը ընկերության հրաժարումն էր համագործակցել տեղական իրավապահ մարմինների հետ, մասնավորապես՝ քրեական հետաքննությունների շրջանակներում օգտատերերի տվյալները տրամադրելու հարցում։ Փաստաթղթերում նշվում է, որ Telegram-ը չի բավարարել հանցագործության մեջ կասկածվող անձանց մասին տեղեկատվություն բացահայտելու հարցումները։
Վիետնամի ոստիկանության տվյալներով՝ երկրում հարթակում գործող 9600 ալիքների և խմբերի մոտ 68%-ը, ենթադրաբար, կապված են խարդախության, թմրանյութերի ապօրինի շրջանառության և ահաբեկչության հետ։
Telegram-ի պաշտոնական ներկայացուցիչները, ինչպես նաև Վիետնամի տեղեկատվական տեխնոլոգիաների նախարարությունը, դեռևս չեն մեկնաբանել որոշումը։
Բաժանորդագրվեք մեր ալիքին Telegram-ում
