Ուկրաինան և Միացյալ Նահանգները ավարտել են ԱՄՆ-Ուկրաինա վերականգնման հիմնադրամի գործարկման համար անհրաժեշտ բոլոր ընթացակարգերը։ Այս մասին հայտնել է Ուկրաինայի առաջին փոխվարչապետ — էկոնոմիկայի նախարար Յուլիա Սվիրիդենկոն։
Նրա խոսքով՝ վերջին քայլը Միացյալ Նահանգների դիվանագիտական նոտան էր, որը այսօր ստացվել է Ուկրաինայում ԱՄՆ գործերի ժամանակավոր հավատարմատար Ջուլի Ս. Դեյվիսից։
«Այժմ մենք կարող ենք պաշտոնապես համարել, որ Հիմնադրամը գործարկվել է։ Մենք ունենք հավասար գործընկերություն, որը հարգում է Ուկրաինայի ազգային շահերը և նախատեսում է Ամերիկայի հետ համատեղ կառավարում և ներդրումներ։ Հիմնադրամի աշխատանքը կենտրոնացած է ապագայի վրա, որտեղ Միացյալ Նահանգները և Ուկրաինան համատեղ ներդրումներ են կատարում մեր պետության վերականգնման և զարգացման գործում», — գրել է Սվիրիդենկոն Ֆեյսբուքում։
Ապրիլի 30-ին ԱՄՆ-ն և Ուկրաինան ստորագրեցին Ուկրաինայի բնական պաշարներին հասանելիության մասին համաձայնագիր, որը նախատեսում է Ուկրաինայի վերականգնման համար ներդրումային հիմնադրամի ստեղծում։
Բաժանորդագրվեք մեր ալիքին Telegram-ում
