Fenix International Ltd. ընկերությունը վարում է բանակցություններ՝ OnlyFans հարթակն մոտավորապես 8 միլիարդ դոլարով ներդրողների խմբի վաճառելու մասին։ Բանակցությունները ընթանում են առնվազն մարտ ամսից, հայտնում է Reuters-ը՝ հղում անելով երեք աղբյուրի։
OnlyFans-ը, որն առավել հայտնի է որպես պոռնոգրաֆիկ բովանդակություն ստեղծողների հարթակ, հնարավորություն է տալիս հեղինակից գումար ստանալ բաժանորդներից։ Ծառայությունը պահում է կոնտենտ ստեղծողների եկամտի 20%-ը։ Հարթակի ժողովրդականությունը կտրուկ աճել է COVID-19 համավարակի ժամանակ։
2023 ֆինանսական տարում ընկերության եկամուտը կազմել է 6.6 միլիարդ դոլար, մինչդեռ 2020 թվականին այն եղել է ընդամենը 375 միլիոն դոլար։ Այս աճը մեծացրել է ներդրողների հետաքրքրությունը։ 2020 թվականին OnlyFans-ի եկամուտը աճել է ավելի քան 550%-ով։ 2016 թվականին հարթակի հիմնադրումից ի վեր կոնտենտ ստեղծողները ընդհանուր առմամբ վաստակել են ավելի քան 20 միլիարդ դոլար, տեղեկացրել էր Bloomberg-ը 2023-ի հոկտեմբերին։
Reuters-ի աղբյուրների համաձայն՝ Fenix International Ltd.-ը բանակցում է նաև այլ հնարավոր գնորդների հետ։ Գործարքը հնարավոր է կայանա առաջիկա շաբաթներին։ Բացի այդ, քննարկվում է IPO-ի (բաժնետոմսերի առաջնային տեղաբաշխում) տարբերակն էլ։
Ընկերության միակ բաժնետերը Լեոնիդ Ռեդվինսկին է՝ ուկրաինա-ամերիկյան ձեռնարկատեր, ով 2018 թվականին ձեռք է բերել OnlyFans-ը և վերջին երեք տարվա ընթացքում ինքն իրեն վճարել է առնվազն 1 միլիարդ դոլարի դիվիդենտներ, հայտնում է գործակալությունը։
Reuters-ը նաև հաղորդել է, որ OnlyFans-ի հետ կապված ԱՄՆ-ում քննվում են սեռական բռնության, մարդկանց վաճառքի և սեքսուալ աշխատանքի ներգրավման տասնյակ դեպքեր։
2021 թվականին OnlyFans-ը որոշեց արգելել պոռնոգրաֆիկ բնույթի նյութերի հրապարակումը՝ հղում անելով բանկերի և վճարային ծառայությունների ճնշմանը։ Սակայն վեց օր անց ընկերությունը հրաժարվեց այդ որոշումից՝ հայտարարելով, որ ստացել է անհրաժեշտ երաշխիքներ՝ «մեր բազմազան ստեղծագործ համայնքին աջակցելու» համար։
2022 թվականի ապրիլին OnlyFans-ը հայտարարեց, որ դադարեցնում է ռուսական ստեղծագործական համայնքի պատշաճ սպասարկումը, սառեցնում է հաշիվները և սահմանափակում է Ռուսաստանից ստացվող վճարումները։
Բաժանորդագրվեք մեր ալիքին Telegram-ում
