Նավթի գինը կայունանում է

Չորեքշաբթի՝ մայիսի 21-ին, նավթի գները բարձրացան ավելի քան 1%-ով։ Իսրայելի կողմից Իրանի միջուկային օբյեկտներին հարվածելու նախապատրաստման մասին հաղորդագրությունները մեծացրել են Պարսից ծոցից՝ նավթի հիմնական արտադրող տարածաշրջանից, մատակարարումների խափանումների հավանականությունը։

Երևանի ժամանակով ժամը 10:04-ի դրությամբ Brent տեսակի նավթի հուլիսյան ֆյուչերսները բարձրացել են 1.25%-ով՝ հասնելով մեկ բարելի համար 66.2 դոլարի, իսկ WTI տեսակի նավթի ֆյուչերսները բարձրացել են 1.32%-ով՝ հասնելով մեկ բարելի համար 62.85 դոլարի։

Միաժամանակ, համաշխարհային շուկայում ադրբեջանական Azeri Light տեսակի նավթի մեկ բարելի գինը նվազել է 0,45 դոլարով կամ 0,66%-ով՝ հասնելով 67,17 դոլարի։