Ամերիկացի զբոսաշրջիկը հայտնել է ավելի քան 123 հազար դոլարի կրիպտոարժույթի կորուստի մասին, երբ առևանգվել և թալանվել է կեղծ Uber վարորդի կողմից Լոնդոնի կենտրոնում։ Այս մասին հայտնում է բրիտանական MyLondon պարբերականը՝ հղում անելով տուժածի պատմությանը և ոստիկանության տվյալներին։ Դեպքը տեղի է ունեցել մայիսի 9-ի գիշերը, երբ տղամարդը դուրս էր եկել Սոհոյի ակումբից։
Տուժածի խոսքով՝ վարորդը գիտեր իր անունը՝ վերցված Uber հավելվածից, և նրան առաջարկել է ծխել մի սիգարետ, որը, ենթադրաբար, պարունակել է սկոպոլամին՝ նյութ, որը ստիպում է կորցնել վերահսկողությունը՝ միաժամանակ պահպանելով գիտակցությունը։ Դրա ազդեցության տակ զբոսաշրջիկը հայտնել է իր հեռախոսի մուտքի գաղտնաբառը, ինչից հետո հանցագործը մուտք է գործել նրա կրիպտո-դրամապանակ։
Հետագայում Իրվին-Քլայնը հայտնվել է անծանոթ թաղամասում։ Ոստիկանության տվյալներով՝ հանցագործները մուտք են գործել նաև նրա Revolut հաշիվ և ուղղակիորեն դուրս են բերել միջոցները։ Ընդհանուր գողացված գումարը կազմել է մոտ 123 հազար դոլար, այդ թվում՝
- 72 հազար դոլար՝ XRP թոքեններով,
- 50 հազար դոլար՝ բիթքոյնով։
