Հնդկաստանը բանակցություններ է վարում ԱՄՆ-ի հետ եռաստիճան առևտրային համաձայնագրի շուրջ՝ հույս ունենալով հասնել միջանկյալ համաձայնության, նախքան հուլիսին ԱՄՆ-ի կողմից սահմանված պատասխան մաքսատուրքերը ուժի մեջ կմտնեն։ Այս մասին մայիսի 20-ին հայտնել է Bloomberg-ը՝ հղում անելով իր աղբյուրներին։
«Հնդկաստանը բանակցություններ է վարում ԱՄՆ-ի հետ եռաստիճան առևտրային համաձայնագրի շուրջ և հույս ունի հասնել միջանկյալ համաձայնագրի մինչև հուլիս, երբ ուժի մեջ կմտնեն պատասխան մաքսատուրքերը», — ասվում է հոդվածում։
Նշվում է, որ ժամանակավոր համաձայնագրում երկու երկրների ղեկավարները, հավանաբար, կքննարկեն այնպիսի ոլորտներ, ինչպիսիք են արդյունաբերական ապրանքների և որոշ տեսակի գյուղատնտեսական արտադրանքի շուկա մուտք գործելը, ինչպես նաև մի շարք ոչ սակագնային խոչընդոտների վերացումը, ինչպիսիք են որակի վերահսկողության պահանջները։
Բանակցությունների երկրորդ փուլը կներառի 19 ոլորտներ ընդգրկող ավելի լայն համաձայնագրի կնքում։ Վերջին փուլը, ըստ հնդիկ պաշտոնյաների, կներառի համապարփակ համաձայնագրի ստորագրումը։ Բանակցությունները դեռևս շարունակվում են, ինչի պատճառով անհասկանալի է դառնում՝ արդյոք Թրամփի վարչակազմը համաձայնվել է առևտրային համաձայնագիր կնքելու եռաստիճան գործընթացի, թե ոչ, նշվում է հրատարակության մեջ։
Ռամպը մայիսի 11-ին հայտարարել է Հնդկաստանի և Պակիստանի հետ առևտուրը զգալիորեն մեծացնելու ծրագրերի մասին։ Նա նաև նշել է, որ հպարտ է երկու երկրների միջև հրադադարի հասնելու գործում ԱՄՆ-ի ցուցաբերած օգնությամբ։
Բաժանորդագրվեք մեր ալիքին Telegram-ում
