Դատախազը Քննչական կոմիտեում քննվող քրեական վարույթի շրջանակում 2025 թվականի մայիսի 16-ին հանրային քրեական հետապնդումներ է հարուցել Մասիս համայնքի տարբեր բնակավայրերում օգտակար հանածոյի ապօրինի արդյունահանմամբ զբաղվող երկու ընկերությունների՝ տարբեր տարիներին տնօրենի պաշտոնը զբաղեցրած երեք անձի՝ Ռ.Բ.-ի, Հ.Ա.-ի և Ա.Ճ.-ի նկատմամբ՝ ընդերքի պահպանման և օգտագործման օրենսդրական պահանջները խախտելու համար:
Այդ գործողությունների հետևանքով պետությանը պատճառվել է շուրջ 538 հազար ԱՄՆ դոլարին համարժեք 208 միլիոն 342 հազար դրամի վնաս:
Գլխավոր դատախազության հաղորդագրության համաձայն՝ 2025 թվականի մայիսի 16-ին ընկերություններից մեկը վերականգնել է պետությանը և համայնքին պատճառած վերոնշյալ վնասից 140 հազար ԱՄՆ դոլարին համարժեք 54 միլիոն 288 հազար դրամի վնասը:
Քրեական վարույթի նախաքննությունն ընթացքի մեջ է:
Բաժանորդագրվեք մեր ալիքին Telegram-ում
