Որքա՞ն   ավտովարկ է ձևակրպվել Ռուսաստանում

2025 թվականի ապրիլին Ռուսաստանում տրվել է 80,11 հազար ավտովարկ՝ ընդհանուր 103,64 միլիարդ ռուբլի գումարով։ Տարեկան կտրվածքով վարկերի քանակը նվազել է 31%-ով, իսկ ծավալը՝ 39%-ով (2024 թվականի ապրիլին տրվել էր 115,71 հազար ավտովարկ՝ 169,76 միլիարդ ռուբլի ընդհանուր գումարով), նշված է Միացյալ վարկային բյուրոյի տվյալներում։

Եթե համեմատենք մարտի հետ, ապա ցուցանիշներն աճել են․ տրված վարկերի քանակն աճել է 6%-ով, իսկ ծավալը՝ 10%-ով։

Ավտովարկի միջին չափը 2025 թվականի ապրիլին կազմել է 1,29 միլիոն ռուբլի, ինչը 12%-ով պակաս է նախորդ տարվա նույն ժամանակաշրջանի համեմատ (2024-ին՝ 1,47 միլիոն ռուբլի)։

Ամենաշատ ավտովարկ տրված շրջաններն են՝

🔹 Մոսկվա — 5,10 հազար ավտովարկ՝ 8,64 միլիարդ ռուբլի գումարով
🔹 Մոսկվայի մարզ — 4,93 հազար վարկ՝ 7,84 միլիարդ ռուբլի
🔹 Սանկտ Պետերբուրգ — 3,91 հազար վարկ՝ 5,73 միլիարդ ռուբլի
🔹 Տաթարստան — 3,91 հազար վարկ՝ 4,92 միլիարդ ռուբլի
🔹 Կրասնոդարի երկրամաս — 3,24 հազար վարկ՝ 4,54 միլիարդ ռուբլի

Բացի այդ, ռուսաստանցիները սկսել են ավտովարկեր վերցնել ավելի կարճ ժամկետով։ Այսպես՝ վարկերի միջին ժամկետը կրճատվել է կես տարով․ 2024 թվականի ապրիլին այն կազմում էր 69 ամիս, իսկ 2025-ի ապրիլին՝ 63 ամիս։

Ապրիլին տրված ավտովարկերի մեծ մասն ուղղված է եղել նոր մեքենաների գնմանը՝ վարկերի քանակի 66%-ը և ծավալի 67%-ը։