2025 թվականի մայիսի 2-ի տվյալներով՝ Ռուսաստանի միջազգային պահուստները կազմել են 680.2 միլիարդ դոլար՝ մեկ շաբաթում ավելանալով 2.4 միլիարդով։ Այս մասին ասված է Ռուսաստանի Կենտրոնական բանկի հրապարակած նյութերում։
«Միջազգային պահուստները 2025 թվականի մայիսի 2-ի դրությամբ կազմել են 680.2 միլիարդ դոլար՝ մեկ շաբաթում աճելով 2.4 միլիարդով կամ 0.4%-ով, հիմնականում դրական վերագնահատման հաշվին», – նշված է կարգավորողի հաղորդագրությունում։ Ապրիլի 25-ի դրությամբ պահուստների ծավալը կազմել էր 677.8 միլիարդ դոլար։
Միջազգային պահուստները, որոնք ներկայացնում են բարձր լիկվիդայնությամբ արտասահմանյան ակտիվներ և գտնվում են Ռուսաստանի Կենտրոնական բանկի և Ռուսաստանի կառավարության տրամադրության տակ, ներառում են արտարժութային միջոցներ, հատուկ փոխառության իրավունքներ, պահուստային դիրք Միջազգային արժութային ֆոնդում և մոնետար ոսկի։
Արևմտյան երկրները, ի պատասխան Ուկրաինայում ՌԴ-ի սկսած հատուկ ռազմական գործողության, կիրառել են պատժամիջոցներ Ռուսաստանի Կենտրոնական բանկի նկատմամբ։ Բացի ոսկու և արտարժույթի պահուստների սառեցումից, արգելվել են բոլոր գործարքները, որոնք առնչվում են ԿԲ-ի ակտիվների կառավարմանը, ինչպես նաև որևէ իրավաբանական անձի, կազմակերպության կամ մարմնի հետ համագործակցությունը, որը գործում է ԿԲ-ի անունից կամ հանձնարարությամբ։
Բաժանորդագրվեք մեր ալիքին Telegram-ում
