Կրթության ոլորտում երկնիշ գնաճ է գրանցվել Կապանում և Իջևանում. Ապրիլը`թվերով. ԻՆՖՈԳՐԱՖԻԿԱ

2025թ․ ապրիլին 2024թ․ ապրիլի համեմատ գնաճը հաստատվել է 3․2%, իսկ նախորդ ամսվա համեմատ՝ 0․5%  մակարդակում։

Ուսումնասիրենք իրավիճակը ՀՀ խոշոր քաղաքաներում․

2025թ․ ապրիլին նախորդ տարվա նույն ամսվա համեմատ գների զգալի աճ դիտվել է Արտաշատում՝ 3․9%, Հրազդանում՝ 3․8%, և Իջևանում՝ 3․5%։

Այս տարվա ապրիլին նախորդ ամսվա համեմատ զգալի գնաճ է դիտվել կրկին Հրազդանում՝ 1․3%, Իջևանում՝ 1%, և Գյումրիում՝ 0․8%։ 

Ուսումնասիրենք գնաճը 2025թ․ ապրիլին նախորդ տարվա նույն ամսվա համեմատ ՀՀ գլխավոր քաղաքներում հետևյալ ոլորտների մասով․

Վիճակագրական տվյալների համաձայն՝ կրթության ոլորտում գնաճը կազմել է 7․8%։ Իսկ ամենաբարձր գնաճը հաստատվել է Իջևանում՝ 13․7% և Կապանում՝ 10․3%։

Կրթության ոլորտում ամենամեծ գնանկումը նկատվել է Հրազդանում՝ 1․1%-ով։

Իսկ տրանսպորտի մասով գնաճը կազմել է 4․2%։ Այս ոլորտում ամենաբարձր գնաճը դիտվել է Գյումրիում՝ 4․7%, Հրազդանում և Երևանում՝ 4․6% և Գավառում՝ 4․4%։ 

Առողջապահության ոլորտում գնաճը հաստատվել է 3․3% մակարդակում։  Այստեղ ամենաբարձր գնաճը նկատվել է Արտաշատում՝ 9․2%, Իջևանում՝ 6․6%, Գավառում՝ 6․3%, և Հրազդանում՝ 6%։