Չինաստանը պատրաստ է կրկին ընդունել ԱՄՆ-ում արտադրված ինքնաթիռները

Չինաստանը վերացնում է Boeing ինքնաթիռների մատակարարման արգելքը։ Այս մասին հաղորդում է Bloomberg-ը՝ հղում անելով իրազեկ աղբյուրներին։

Չինացի պաշտոնյաները այս շաբաթ տեղական ավիաընկերություններին և իշխանություններին հայտնել են, որ մատակարարումները կարող են վերսկսվել։ Մի աղբյուրի համաձայն, ավիաընկերություններին իրավունք է տրվել ինքնուրույն որոշել ինքնաթիռներ ստանալու պայմաններն ու դրույթները։

Boeing-ի կողմից Չինաստան մատակարարվող ինքնաթիռների արգելքը տևեց մոտ մեկ ամիս։ Այս ժամանակահատվածում որոշ չինացի հաճախորդներ չեղարկել են իրենց պատվերները, և ապրանքները վերադարձվել են Միացյալ Նահանգներ։

Boeing-ը նախկինում հայտարարել էր, որ պատրաստ է այլ գնորդներ գտնել Չինաստան ուղարկվող ինքնաթիռների համար։ Նոր 737 Max ինքնաթիռը գնելու ցանկություն ունեցողների թվում էին Մալայզիայի և Սաուդյան Արաբիայի ավիաընկերությունները։

Ըստ պլանների՝ 2025 թվականին Չինաստան կմատակարարվի մոտ 50 Boeing ինքնաթիռ։