Ուկրաինան ստացել է ևս մեկ միլիարդ «ռուսական» եվրո

Եվրամիությունը Կիևին է ուղարկել 1 միլիարդ եվրոյի նոր տրանշ, որը ստացվել է սառեցված ռուսական ակտիվների վերաինվեստիցիայի շնորհիվ։

Այս մասին հայտարարել է տնտեսության հարցերով եվրահանձնակատար Վալդիս Դոմբրովսկիսը։

«Այսօր մենք ռուսական ակտիվներից ստացված եկամուտներից G7-ի 45 միլիարդ եվրոյի ծրագրի շրջանակներում փոխանցեցինք ևս 1 միլիարդ եվրո», — գրել է Դոմբրովսկիսը X սոցիալական ցանցում։

Նրա խոսքով՝ այս ծրագրի շրջանակներում Ուկրաինային 2025 թվականին տրամադրվող օգնության ընդհանուր ծավալն արդեն հասել է 6 միլիարդ եվրոյի։ Եվրոպական հանձնաժողովը նախատեսում է մոտ ապագայում այս աջակցությունը հասցնել 12 միլիարդ եվրոյի։

Եվրոպական հանձնաժողովի տվյալներով՝ ԵՄ-ն 2022 թվականից ի վեր Ուկրաինային աջակցելու համար ընդհանուր առմամբ ծախսել է 150 միլիարդ եվրո։