Չինաստանը պատրաստ է ԱՄՆ-ի հետ բանակցությունների

Չինաստանը համաձայնեց բանակցություններ վարել Միացյալ Նահանգների հետ՝ հիմնվելով համաշխարհային սպասումների և սեփական շահերի վրա։

Այս մասին հայտնել է Չինաստանի Ժողովրդական Հանրապետության Առևտրի նախարարությունը։

Բանակցությունները տեղի կունենան Շվեյցարիայում, որտեղ Չինաստանի փոխվարչապետ Հե Լիֆենգը կհանդիպի ԱՄՆ ֆինանսների նախարար Սքոթ Բեսենթի հետ։ Չինական պատվիրակության այցը Շվեյցարիա նախատեսված է մայիսի 9-ից 12-ը։

Սքոթ Բեսենթը Fox News-ին հաստատել է, որ երկու երկրների ներկայացուցիչները բանակցություններ կանցկացնեն Ժնևում այս շաբաթավերջին։ Նրա խոսքով՝ երկու կողմերն էլ շահագրգռված են մաքսատուրքերի մակարդակի իջեցմամբ, քանի որ դրանց ներկայիս մակարդակը «անկայուն է»։

Հիշենք, որ ապրիլի 10-ին Միացյալ Նահանգները բարձրացրեց չինական ապրանքների մաքսատուրքերը 125%-ից մինչև 145%։ Ի պատասխան՝ Չինաստանը նաև բարձրացրեց ամերիկյան ապրանքների մաքսատուրքերը 84%-ից մինչև 125%։

Հետագայում Պեկինը կոչ արեց մյուս երկրներին համատեղ դեմ դուրս գալ Վաշինգտոնի կողմից մաքսատուրքերի բարձրացմանը։