Բանկերը նշել են մայիսյան տոներին տարածված խաբեությունների երեք ամենահայտնի սխեմաները

 Ինչպես մայիսի 1-ին հայտնել են «Իզվեստիա» պարբերականին Сбер, Почта Банк, Ренессанс և Зенит ֆինանսական կառույցներից, առաջին տեղում շարունակում են մնալ զանգերը, որոնք արվում են իբր իրավապահ մարմինների անունից։

Խաբեբաները ներկայանում են որպես ոստիկանության, քննիչ կոմիտեի կամ Կենտրոնական բանկի աշխատակիցներ՝ հայտարարելով, որ իբր բացահայտել են խախտումներ կամ անցկացնում են ստուգումներ։ Այս մեթոդները վաղուց են կիրառվում։ Դրանցից են՝

• Դրամական միջոցների «փրկություն». զոհին համոզում են անհապաղ փոխանցել փողերը «ապահով հաշվեհամարին» կամ վերցնել վարկ՝ «վարկային պոտենցիալը զրոյացնելու» համար։

• Սարսափի տարածում. օրինակ՝ ասում են, թե զոհի հաշիվը օգտագործվել է ահաբեկչության ֆինանսավորման համար, ինչը կարող է հանգեցնել քրեական պատասխանատվության։

Մայիսյան տոների նախաշեմին, հատկապես Հաղթանակի օրվան մոտ, նման պատմություններն առավել հաճախ են կիրառվում՝ ըստ «Ռենեսանս Բանկի»։

Երկրորդ տարածված խաբեության սխեման՝ կեղծ ամրագրումներն և տոմսերն են։ Վստահություն ներշնչող կայքերով առաջարկում են գնել ավիատոմսեր, երկաթուղային տոմսեր, մասնակցել վիճակախաղերի կամ ամրագրել կացարաններ, սակայն դրանք իրականում խաբեություններ են։ Այս մասին զգուշացրել են նաև «Дом.РФ» , «ОТП» и «Ренессанс» բանկերը։

Ինչպես նշել է «Дом.РФ»-ի տեղեկատվական անվտանգության գծով փոխնախագահ Դմիտրի Նիկիշովը՝

«Մայիսյան տոներին աճում է կեղծ առաջարկներով տոմսերի և հյուրանոցների ամրագրումների քանակը։ Խաբեբաները ստեղծում են կայքեր, հայտարարություններ, սոցիալական ցանցերում խմբեր, ուղարկում են վիրուս պարունակող նամակներ կամ հղումներ՝ գրավիչ և էժան առաջարկներով»։

Երրորդ վտանգավոր սխեման՝ Հաղթանակի օրվա անվան տակ ստեղծված խաբեություններն են։

Ըստ «ВТБ» , «Ренессанс» և «Новикомбанк»-ի՝ քաղաքացիներին առաջարկում են իբր պետական վճարման կամ պարգևի համար անցնել հղմամբ, մուտքագրել քարտի տվյալներ կամ վճարել «հարկ»։

Խորհուրդ է տրվում երբեք չանցնել կասկածելի հղումներով և չմուտքագրել քարտի տվյալներ անհայտ կայքերում։