Բաքու-Թբիլիսի-Ջեյհան (BTC) նախագծում ներդրումները խողովակաշարի շահագործման հանձնվելուց ի վեր և 2024 թվականի վերջի դրությամբ կազմել են մոտ 6 միլիարդ դոլար, իր սոցցանցերի էջում հայտնել է British Petroleum (BP) ընկերության Կասպյան տարածաշրջանի փոխնախագահ Բախտիյար Ասլանբեյլին։
Ներկայումս ԲԹՋ խողովակաշարը հիմնականում տեղափոխում է ադրբեջանական նավթ, բայց նաև մղում է ղազախական և թուրքմենական նավթ։
Ասլանբեյլիի խոսքով՝ BTC-ով 2006 թվականի հունիսին դրա շահագործման հանձնվելուց մինչև 2024 թվականի վերջը տեղափոխվել է մոտ 591 միլիոն տոննա (ավելի քան 4,4 միլիարդ բարել) հում նավթ։
Այս ժամանակահատվածում Ջեյհանի տերմինալից, ըստ Sputnik Грузия— ի բեռնվել և համաշխարհային շուկաներ է ուղարկվել 5862 տանկեր։
Բաքու-Թբիլիսի-Ջեյհան նավթամուղի շինարարությունը սկսվել է 2003 թվականի ապրիլին, իսկ խողովակաշարը սկսել է գործել 2005 թվականի մայիսին։
Նավթամուղի ընդհանուր երկարությունը 1768 կիլոմետր է, որից 443 կիլոմետրն անցնում է Ադրբեջանի տարածքով, 249 կիլոմետրը՝ Վրաստանի, իսկ 1000 կիլոմետրից մի փոքր ավելի՝ Թուրքիայի տարածքով։
Բաժանորդագրվեք մեր ալիքին Telegram-ում
