Սիրիան Լաթաքիա նավահանգիստը հանձնել է Ֆրանսիային

Սիրիան 30 տարվա պայմանագիր է կնքել ֆրանսիական CMA CGM նավագնացության հսկայի հետ՝ Լաթաքիայի նավահանգստի զարգացման և շահագործման համար, հաղորդում է AFP-ն։

CMA CGM-ի տարածաշրջանային տնօրեն Ջոզեֆ Դաքաքը ստորագրման արարողության ժամանակ AFP-ին ասել է, որ ընկերությունը ուրախ է հայտարարել ներդրումային պայմանագրի ստորագրման և Լաթաքիայի նավահանգստի կառավարման պայմանագրի կնքման մասին՝ հաջորդ 30 տարիների ընթացքում։

Նավահանգստի տնօրեն Ահմեդ Մուստաֆան, իր հերթին, նշել է, որ համաձայնագիրը նախատեսում է 230 միլիոն եվրոյի (260 միլիոն դոլար) ներդրում՝ օբյեկտի արդիականացման համար, ներառյալ միջազգային չափանիշներին համապատասխան կառուցված նոր նավամատույցի կառուցումը։

Դեկտեմբերի 10-ին «Ալ Արաբիան», հղում անելով Սիրիայում մարդու իրավունքների դիտորդական կենտրոնի (SOHR) տվյալներին, հաղորդել է, որ իսրայելական ուժերը Սիրիայում թիրախների վրա ավելի քան 100 հարված են հասցրել, այդ թվում՝ սիրիական Լաթաքիա նավահանգստի մոտակայքում գտնվող հակաօդային պաշտպանության օբյեկտներին։