Ռուսաստանի քաղաքական գործիչ Վլադիմիր Ժիրինովսկու արտասահմանյան անձնագիրը աճուրդում վաճառվել է 1,1 մլն ռուբլով, ինչի մասին վկայում են վաճառքի հարթակի տվյալները։
«Վաճառվել է 1 100 000 ռուբլով», — նշվում է հաղորդագրությունում։
Լոտի մեկնարկային գինը կազմել էր 100 հազար ռուբլի։ Փաստաթուղթը տրվել էր հինգ տարի ժամկետով՝ 1992 թվականի հոկտեմբերի 19-ին։ Վլադիմիր Ժիրինովսկին խորհրդային և ռուս քաղաքական գործիչ էր, Ռուսաստանի Լիբերալ-դեմոկրատական կուսակցության հիմնադիրն ու նախագահը։ Նա մահացել է 2022 թվականի ապրիլի 6-ին՝ 75 տարեկան հասակում։
Ռուսաստանի նախագահ Վլադիմիր Պուտինը 2024 թվականի նոյեմբերի 6-ին ստորագրել է հրամանագիր՝ 2026 թվականին պետական մակարդակով նշել Վլադիմիր Ժիրինովսկու 80-ամյակը։
Բաժանորդագրվեք մեր ալիքին Telegram-ում
