Թրամփը սկսել է հագուստ վաճառել առցանց խանութում

ԱՄՆ նախագահ Դոնալդ Թրամփի առցանց խանութում այժմ կարելի է գտնել գլխարկներ և մարզաշապիկներ՝ «Թրամփ 2028» գրությամբ։

Այս մասին հաղորդում է The Guardian-ը՝ Թրամփի՝ պաշտոնում երրորդ ժամկետով մնալու մտադրության մասին լուրերի ֆոնին։

Կապույտ և կարմիր մարզաշապիկների մանրածախ գինը 36 դոլար է։ Հրատարակությունը նշում է, որ նախաձեռնությունը մեկնարկել է Թրամփի վարկանիշի անկման ֆոնին։

Թեև Թրամփը նախկինում չէր բացառել երրորդ ժամկետով առաջադրվելը, վերլուծաբանների մեծ մասը դա քիչ հավանական է համարում ԱՄՆ Սահմանադրության 22-րդ փոփոխությամբ սահմանված սահմանափակումների պատճառով, որն արգելում է նախագահին զբաղեցնել երկու ժամկետից ավելի։