ԱՄՆ-ն արգելում է նավթի վրա հիմնված սննդային ներկանյութերը

ԱՄՆ առողջապահության և մարդկային ծառայությունների նախարարությունը հայտարարել է նավթի վրա հիմնված սինթետիկ սննդային ներկանյութերի օգտագործման արգելքի մասին։

«Չափազանց երկար ժամանակ արտադրողները չեն վերահսկվել և ամերիկացիներին նավթաքիմիական նյութեր են մատակարարել առանց նրանց համաձայնության», — ասել է գլխավոր վիրաբույժ Ռոբերտ Քենեդի կրտսերը։

Նա ընդգծել է, որ նման նյութերը լուրջ սպառնալիք են ներկայացնում երեխաների առողջության և զարգացման համար։

Սննդի և դեղերի վարչության (FDA) հանձնակատար Մարտի Մակարին նշել է, որ Միացյալ Նահանգները բախվում է մանկական շաքարախտի, ճարպակալման, դեպրեսիայի և ուշադրության դեֆիցիտի և հիպերակտիվության համախտանիշի համաճարակի, և առաջարկել է վնասակար ներկանյութերը փոխարինել բնական ներկանյութերով։

Կսահմանվեն ազգային ստանդարտ և բնական հավելումների անցման ժամկետներ։ Արգելված ներկանյութերի թվում են ցիտրուսային կարմիր № 2-ը և նարնջագույն B-ն։

Անվտանգ այլընտրանքներից են կալցիումի ֆոսֆատը, գարդենիայի քաղվածքը և թիթեռի ոլոռի քաղվածքը։

Որոշումը կայացվել է Դոնալդ Թրամփի վարչակազմի կողմից աջակցվող «Make America Healthy Again» ծրագրի շրջանակներում։