Ոսկին պատմական ռեկորդ է սահմանել

Ոսկու գինը բարձրացել է ավելի քան 2%-ով՝ գերազանցելով 3400 դոլարը մեկ տրոյական ունցիայի համար, սահմանելով նոր պատմական առավելագույն։ Այս մասին են վկայում առևտրային տվյալները։

Ապրիլի 21-ի առավոտյան Նյու Յորքի Comex բորսայում հունիսյան ոսկու ֆյուչերսների գինը նախորդ փակման համեմատ աճել է 72,04 դոլարով կամ 2,16%-ով՝ հասնելով մեկ տրոյական ունցիայի համար 3,400,44 դոլարի։

Այլ թանկարժեք մետաղների գինը նույնպես աճել է, արծաթը բարձրացել է 1.11%-ով՝ հասնելով 32.99 դոլարի մեկ ունցիայի համար, իսկ պլատինը բարձրացել է 0.4%-ով՝ հասնելով 981.1 դոլարի մեկ ունցիայի համար։

Այս տարի ոսկին մի քանի անգամ հասել է ռեկորդային բարձունքների՝ առևտրային լարվածության ֆոնին, որը անկայունացրել է շուկաները և ներդրողներին մղել դեպի անվտանգ ապաստան տրամադրող ակտիվներ։

Ոսկու ձուլակտորներով ապահովված բորսայական առևտրով զբաղվող ֆոնդերի պահումները աճել են 12 շաբաթ անընդմեջ, ինչը ամենաերկար շարքն է 2022 թվականից ի վեր։