ԱՄՆ-ի խոշորագույն հավ արտադրողներից մեկը՝ Piligrim’s Pride-ը, 5 միլիոն դոլար է նվիրաբերել Ամերիկայի նախագահ Դոնալդ Թրամփի երդմնակալության արարողությանը, ինչը ռեկորդային գումար է։ Այս մասին ուրբաթ՝ ապրիլի 18-ին, հայտնել է The Wall Street Journal-ը (WSJ), որը ուսումնասիրել է դոնորների ցուցակը։
Ինչպես նշված է հրապարակման մեջ, Թրամփի երդմնակալության կոմիտեն Ամերիկայի խոշորագույն բիզնես կորպորացիաներից հավաքագրել է գրեթե 250 միլիոն դոլար։ Այս գումարը երկու անգամ գերազանցում է նախորդ նվիրատվության ռեկորդը, նշել են նյութի հեղինակները։
Հետևյալ կրիպտոարժույթային ընկերությունները նույնպես մեծ գումարներ են նվիրաբերել՝ Ripple (գրեթե 5 միլիոն դոլար), Robinhood Markets (2 միլիոն դոլար), Coinbase Inc. (1 միլիոն դոլար):
Նավթի և գազի հսկա Chevron-ը նույնպես ներդրել է 2 միլիոն դոլար, իսկ Exxon Mobil-ը, Occidental Petroleum-ը և ConocoPhillips-ը՝ 1 միլիոն դոլար։
Բացի այդ, երդմնակալության արարողությանը աջակցել են դեղագործական արդյունաբերության ներկայացուցիչները։
Amazon-ը, ChatGPT-ը, McDonald’s-ը, Delta Air Lines-ը, Nvidia-ն և Boeing-ը Թրամփի երդմնակալության կոմիտեին նվիրաբերել են յուրաքանչյուրը 1 միլիոն դոլար։
Ավելի վաղ՝ ապրիլի 11-ին, հաղորդվել էր, որ Թրամփի երկրորդ նախագահական ժամկետի ընթացքում ԱՄՆ կառավարության ծախսերը աճել են 154 միլիարդ դոլարով՝ համեմատած ԱՄՆ նախկին նախագահ Ջո Բայդենի վարչակազմի օրոք 2024 թվականի նույն ժամանակահատվածի հետ, չնայած Կառավարության արդյունավետության դեպարտամենտի (DOGE) աշխատանքին։
Բաժանորդագրվեք մեր ալիքին Telegram-ում
